روابط للدخول

خبر عاجل

سيف الحلفي: ما مييّز ﭼنت تضحك عليّ.. وياي


ما مييّز ﭼنت تضحك عليّ .. وياي..
وجهي اصفر واشوفن ضحكتك صفرة
افلسلك سوالف طيبة واحـﭽـي وياك
وارش عالصوت ريحة وتكشخ النبرة
...
وأهز اذني من اسمعك هزة الفنجان
كَهوة اتصب اذاني سوالفك مرة
غير لساني كَلي شكَصرت وياك
وخذت من عندي كلشي وماخذت عبرة

يوجعني الهوة امن اتنفس بفركَاك
الي وياك ﭼان بكل نفس ذكرة

بدونك شجرة ميتـة أداينت عصفور
وذكروهة بزمن بي ﭼانت امخضرة
ألك بضلوعي شهكَة نص جسر مكسور
بكثر ماصاحلك صوتة انكسر ضهرة
الدوه سمعة ثكَيل وصوت جرحي ابعيـــد
اببـعد طعم الترف عن شفة الفقرة

طب ابراسي تلكَـة احلامي كلهة اكَياش
وتطب لاعمق حلم تتحفة وتعبرة

تستنكف اعيوني يمرهة غيرك طيف
مثل بابي الكَمت تستنكف اتمرة
ترة اعذارك عتيكَة كَامت اتذب لون
اليغيب ليا وكت يتلثم بعذرة
ادري اشـعطلك عالموعد وماجيت
ضبطت الساعة بس النية متأخرة

please wait

No media source currently available

0:00 0:15:00 0:00
رابط مباشر
XS
SM
MD
LG