روابط للدخول

خبر عاجل

أحمد هندي: الله يسامحك ادعيلك بهاي


الشاعر احمد هندي
الشاعر احمد هندي
الله يسامحك ادعيلك بهاي
وعليك امن الندم ما ضل اصابيع

شريتك وكت محد جان شاريك
وبعتني برخص وكت المحد يبيع

يطيبن ها تكلي؟ يطيبن اشلون؟
شنو ابالك بعد هم ضل مشاريع؟

اشتداوي وبيه انه جروحك درابين
اذا ينزل دواك ابينهه ايضيع

مواضيع الوفه والحب الاخلاص
دفه الايام ومسامر لسابيع

كمت اكرههن وما حبهن اوياك
بكثر ما جنت احب هاي المواضيع

من الباب اجيتك جنت شاريك
وعاف هواي كلبي وكلبك اختار

صار سنين احبك مو عشك يوم
حته انساك صدفة او وجهي يندار

الك بالروح حسرة اتكطع الروح
والك جرح اعله طولي امن البعد صار

طعم الليل بعدك من يجي الليل
طعم راس الشهر للكاعد ايجار

بعدهه ابالي تنزف ذيج الايام
وشبر شبر بغرفتك عندي تذكار

آنه بنار هجرك اشتعل ماي
ماي واشتعل بيش انطفي بنار؟

وضميتك رغم كل هاي الجروح
مثل ضمة قراءة بحضن الصغار

وصرت معكود ويه الدار والدور
ابالي ومن يشيل الدور والدار

وحفضت سنين حبك عن ضهر غيب
مثل صف اول بأول نشيدة

وعليه سهامك انت شكد كريبات
بكد ما عنك اسهامي بعيدة

واكول المهم ايامك سعيدات
رغم ايامي ما جانت سعيدة

منك ما امل وجروحك عزاز
اريدنك تجي وجرحك اريده

ويجي سهمك ابكلبي ايكطع الروح
واصفكلك واكول الله ,,,, عيده

بغيابك الك مو بس ضهري مكسور
الك مكسور حت ضهر القصيدة

جنت من اقره كلهه تصيحلي ..الله
جنت وياي كلهم يسمعوني

هسه بغيبتك ما حرك احساس
واحس حته بالصفكه يجاملوني

بدونك ما رحت من جنت مجروح
ودست جرحي ورضيت تروح دوني

الكرامة وغيرتي وجروحي الكبار
اريد شما اجيلك يبعدوني

بدي شلتك امس ودرى بك تروح
وعله جروحي جنت تنزف مرارة

واكولن اتركك بس احن واشتاك
مثل تارك يحن اعله الجكارة

مو نفسك هذاك الجنت وياي
ولا نفسة اليغار وتشب نارة

الحرارة الجنت احسهه بدمعتك ذيج
ابد لا مو نفس هاي الحرارة

سنين العمر كلهن صارن وياك
حجارة وبيد اطفال الحجارة


please wait

No media source currently available

0:00 0:15:00 0:00
رابط مباشر
XS
SM
MD
LG