روابط للدخول

خبر عاجل

الشاعر رفعت الصافي وقصيدته "مزاد"


الشاعر رفعت الصافي
الشاعر رفعت الصافي
ابمزاد اطفوف عرضوا رﮔـَبتي الشمات
وانت اول سهم وﮔـع على المنحر
سهمك من اجاني عيونة مشدودات
ﮔام شلون الاعمة بكل كتر يعثر
حتى بصورتك وجهك ثـﮔل وياي
بحيث امنرد اشيل الصورة ما اﮔدر
اتلمستك وشفتك بالعيون ادنان
جاملتك وﮔـَتلك تشبه العنبر
انته اربات اللطم وموّداعك عاشور
وصدري اعلة الـﭽفوف بروحتك ينشر
ارجع حضّرتلك واهس ام عريس
افصل ارويحتي الكل خطوة الك معبر
مثل الجاهل اركض لون عطرك فات
حسرة بـﮔلبي ضلت رد اريد اكبر
دمعي اعلة الشمس شريتة بس مافاد
الشمس عرﮔت وشـﮔت ثوبهة امن الحر
عثرة ابابكم ضليت للرجلين
وبدمي انصبغ بس ﮔلت لازنجر
امرورة بعيني احس ﭽـي ماضـﮔت ملـﮔـاك
لذلك شحطة عندي اتصير بالمنظر
ماضيعك لوّنك ضعت شعرة ابليل
ابيّت الليل اذا ما نيتك تظهر
اميّزك لوتصير براس نوّرس شيب
انة مفّلس اسنينك من ﭽنت بالذر

please wait

No media source currently available

0:00 0:15:00 0:00
رابط مباشر
XS
SM
MD
LG