روابط للدخول

خبر عاجل

ايهاب المالكي: انه دمعة حزن وحسين ضماني...نذر لرجعة العباس خلاني


 أيهاب المالكي
أيهاب المالكي
"دمعة حزن"
أيهاب المالكي

انه دمعة حزن وحسين ضماني
نذر لرجعة العباس خلاني
جنت مضمومه كوة بطرف جفن حسين
لانـه الطايحة ولاهـو هداني
كلما ينكسر كلبه علحيد ايطيح
اوصل ورد اطيح يكلي لا تاني
انه من بير زمزم واصفة من كل ماي
نقيه وصافية ومن السمه الواني
بس من شفت جرح حسين مدري شصار
غيرني وخبطني وحمرة سواني
انه عندة بمعزة زينب الحوراء
كدام الغرب ماتطلع رداني
الي بكل عين خيمة مخلي وابقه شـلون
محتركة الخيم والجمر جواني
واسولف وحدي وكون الاماني اتصير
كابراهيم كون اتصير نيراني
واصبر واحترك ومتانية العباس
واحلم بي رجع بالجـود طفاني
واحلم بالحسين ابتسم والنيران
خمدت بالجروح وطفت نيراني
واحلم زينب اتشرب اليتامه الماي
جن صاحت سكينة الكمررواني
واحلم بالرضيع حسين ينطيه ماي
طحت من الفرح وحسين هلاني
واحلم بي يكله استقم بويه الدين
واهي مرت سلام بغير قرباني
واصحة وكسرت الخاطر بعدهه وياي
صنطة المشرعه وعـباس ماجاني
واحس صدر الحسين اختنك والعبرات
روجه وياهه اضيع وروجه تلكاني
واذكرحسين بيه واحس بي يحتار
مرة ايكول اذكرج مرة ينساني
وكمت بروحي اساله مارجع عباس؟
لان جمرة بلهاتي وحركت لـساني
وسكته اتشاهدت كمت استعد للموت
واشرلي الجفن واستعد وصاني
وحانت ساعتي العباس كالو طاح
هديت الرمش وحسين هداني
وكال انكسر ظهري الان ورد ابجيج
وبخد الحسين اندفن جثماني

please wait

No media source currently available

0:00 0:15:00 0:00
رابط مباشر
XS
SM
MD
LG