روابط للدخول

خبر عاجل

الشاعر طاهر الحسني وقصيدة "ناطريتك"


ناطريتك....لهفة العريس لشفاف الحبيب
ناطريتك...آخلو تدري بغيابك
بليالي شحبلت وگامت تجيب
ناطريتك خمره بأقداح الليالي
ويا عجيبة ألخمره من طاريك أشتحله وتطيب
ناطريتك غنوة بشفاف القصايد
وشكثر وحشه ألقصيده ألما يصير إلها نسيب
والله تستأهل أسولف بيك يا ملح السوالف
شربت شفافك مثل طعم الزبيب
ناطريت..بكل مچانات المواعيد وعطرها
بطبع منشوگ ألحمامه وساهرت بعيون ذيب
وعشگت حتى الگهاوي
الچنت أخطبيها الرسايل
آخ يا گهوة (أبن برغوث)
يا چاي الصحن والهيل من (مهدي الشبيب)
ويا حديقة(جاسم) الگطعوا نهرها
مثل ماگطعوا عله ليرضع حليبه
وعلموه(عالنيدو) والماي الغريب
ناطريتك..وأنشدني أهواي الحديثات عنك
رادن يزوگن مكانك، ما رضه الدلال ييزي وگلي عيب
ناطريتك...يا حلم ليلي وعذابات النهار
ويا وجه كلما بعد عني غده الگلبي گريب

please wait

No media source currently available

0:00 0:15:00 0:00
رابط مباشر
XS
SM
MD
LG