السبت 20 أيلول 2014 التوقيت المحلي: 16:58

برامج / مواويل وشِعر

رحيم المالكي وقصائد معطرة بالإيثار

الشاعر رحيم المالكيالشاعر رحيم المالكي
x
الشاعر رحيم المالكي
الشاعر رحيم المالكي

وسائط متعدّدة

صوت
حلقة هذا الأسبوع من برنامج "مواويل و شعر" مخصصة للشاعر رحيم المالكي الذي تنبعث عطور التضحية والإيثار من كل بيت من قصائده.

تانيتك عمر

تانيتك عمر يمك ردت ارتاح
لكيتك واحه ميته ترابتك تذري
تانيتك تجبره لخاطري المكسور
جبرته بدمع بس ماجبر كسري
ليش تغيظني وأحجي الحجي المضموم
وتكول الناس عني مسودن يهذري
اذا تدري بعذابي وتدري اللي صار
لا تسأل عليه شباقي من صبري
خلصت العمر مابين جويه وآه
ومكالب بروحي وناركم حدري
ستوني الحزن مو كافي طفي النار
تبخر ماي صبري ونزرف جدري
يالرايد حجينه يظل جزر للدوم
وانت المد يفيدك ينمحي المقري
لان انت جرف وانه عليك الماي
اطلع عيوب جرفك لو كثر جزري
حاصرني الوكت وجروحي مسمومات
لا انت رحمتني ولا رحم دهري
تحزم جرح بيه وراد ياخذ ثار
التفت شاف الخناجر تطعن بظهري
-----------------------------

المزيد في الملف الصوتي