روابط للدخول

خبر عاجل

قصائد للشاعر ناظم الحاشي


ناظم الحاشي
ناظم الحاشي

ناظم الحاشي...اسم مهم في سجل الشعراء المبدعين قصائده لاذعة،متوهجة، ومشحونة بالرموز، والمؤثرات النفسية

ناظم الحاشي، إسم مهم في سجل الشعراء المبدعين. ويشكل مع أبناء جيله الثمانيني موقعاً مميزاً في خارطة الإبداع العراقي. يتميز بقصيدته اللاذعة، المتوهجة، والمشحونة بالرموز، والأمكنة، والمؤثرات النفسية، سواء ظهرت في مديحها، أوهجائها، أو حتى في رثائياتها الموجعة. والحاشي وَفيّ جداً لأرضه، وبيئته، ومسقط رأسه وقلبه، أقصد بذلك مدينة الحي المعروفة بشعرائها، وشهدائها، وجهاديتها الوطنية. ووفاء الحاشي يظهر واضحاً في لغة قصيدته الشعرية، وعواطفها، وفرادتها، وإنتمائها. واليكم قصيدتين للشاعر المبدع ناظم الحاشي، الأولى اسماها [سامحتك]، والثانية [من جرح لجرح].

يقول الحاشي في سامحتك:

يــا عمـر الفراشة .. الــ بربعينة أيـضيع ..
مجبـور العمـر .. ويـاك ضيعته
گلبــي اعله العشـگ . . مـا رهـم بـي مفتـاح..
مفتـاحك عليـه .. اشلـون رهمتـه ..؟؟
شعــرة الـ بـالعقـل .. عتيتهـا امـن أسنيــن ..
الـ چـانت للعقـل .. ويـاك لازمتـه ..
معـذور الــ يحبـك , ,لـو كفـر بهـواك ..
او لـو حبـك نبـي .. هــم چـان كفـرتـه ..!!
بلبـل عـــ الغصـن ﮒلبـي .. وشمرتـه أحجـار ..
ومكسـور الجنــح .. للــ الگــاع طيحتــه ..
خليتـه ابــ قفص .. و اتعـرفـه يـاكـل تيـن ..
جــاع.. وخبـز يـابس . .گمـت وكلتـه ..
و اتعلـم عليـك . .و گـام مـن يطيـر ..
يـرجـع للـقفص . . ملهـوف علمتـه ..
ومـن عاشـرت ذيب . . وگـالك جـوعـان ..
وجبـه البلبـل المسكيـن قدمتــه ..
ورحـت اتصيـد ثانـي . . بكـل وكاحـة عيـن ..
والأول بالقفـص .. منصوبـة فاتحتـه ..
كفيـت العتب .. مـا عاتبـك عــ الصـار ..
و شيفــيد النفخ . . بالنـار حـارگتـه ؟!
يـا حلـم الطفـولة . . الصـرخ بـذنـه الشــوگ..
عــاف اهـل الـوفه .. او صـدگك مـن صحته ..
حـب ربـاني أحبـك .. مكتـفي الغــايـات ..
وشيطـاني دعانـي . . ومـا رحـت شفتـه ..
يـا اول نهــر .. يحتــرك بــ التاريــخ ..
طلعـت ريحتـه .. ومـا يـوم چـذبتـه ..
وأنت أول ضميـر .. ابــ نص مـزاد انبـاع ..
وأول حلـگ يـاكل لحـم خـاصرته ..
سامحتـك رغـم .. كـل الصفـات الــ بيــك ..
يــا أول ( شمـر ) .. بــالكون سامحتــه


ويقول الحاشي في قصيدة [من جرح لجرح]:

من جرح لجرح يانار أداور بيك
تبرد من كِتر ولكتر تچويني
ذبَّلت بمحبتك زهرة العشرين
وبريحك طفت شمعة ثلاثيني
ما أعوفك بعد ماخذ عهد علروح
وقابل لو حطب للنار ترميني
اتنفس هواك بزحمة الدخان
واگولن هم يحِّن گلبه ويطفيني
مو ثوب وينزعَّك جسمي حتى أرتاح
ولا كل يوم طبعي بثوب تلگيني
احبك مدري ليش، وليش مدري شلون
ولا چويات نيرانك تطفيني
مادوِّر گمت عزة نفس وياك
بس ينجاب طاري إسمك يبچيني
يا اجمل حلم عشته بخيال النوم
وقيثارة لحِن صوتك توعِّيني
محتاجك حبيبي بكثر ما محتاج
واحد يفتهم حچيي ويحچيني
زينَّتك ضوه وصارت عليك العين
وحرامية العشك ترست بساتيني
سولفلي التريده، جروحي تعبانات
خليني افتهم شتريد خليني
آنه وياك واضح مثل شمسك هاي
وغربيل العواذل ما يغطيني
وآنه بغير حبك صدگ ناقص دين
احبك ورد أكملِ إوياك نص ديني


المزيد في الملف الصوتي
XS
SM
MD
LG