روابط للدخول

خبر عاجل

قصائد بطعم البرحي العراقي الذي ينقط عسلا على الأرض الحالمة


للشعرالشعبي في محافظة الناصرية لون وطعم ورائحة...فقوافيه بلون السمار الجنوبي، وبرائحة العنبر، الذي يفيض على أكتاف الجبايش، وبطعم البرحي الذي ينقط عسله على الأرض الحالمة .. اليوم نقدم لكم قصائد لواحد من شعراء الناصرية...وتحديداً من شطرة الشعر...إنه الشاعر نعيم آل مسافر.

(حطب)
جبنه عمرنه حطب
وحماله لهل الحطب
وجبنه عمرنه نخل
مايوم أكلنه رطب
الله يا هل وطن
الله يا هل شعب
لآ فادك الطاغيه
ولآ فادك المنتخب
مثل الجمل بالسفر
لمّن يحمل ذهب
ومن توصل القافله
حصتنه بس التعب
*** ***
من حيث ياهو اليجي
راكب فرس من خشب
وإستاد بل إننا
وإستاد بس بالخطب
ويصير تالي أسد
عالكرسي واوي العنب
خصم الحچي ياوطن
ومعلينه شنهو السبب
كل المشوا والأجو
من الكرد للعرب
ماشوف بيهم بعد
چعب التطگه بچعب
*** ***
من قصيدة:
(شمعه وهوى)
لتحير بيه بعد
من تظهر او تختفي
شمعه آنه وإنته الهوى
بالحالتين انطفي
من تظهر اتنفسك
وأشتعل ما أشتفي
لو غبت عني اختنگ
منك فلا أكتفي
شمعه آنه وإنته الهوى
بالحالتين انطفي
*** ***
(الوالي)
عدنه ماتم مدري عيد
والفقيد ويانه حاضر
يختلف عن كل فقيد
مدري نلطم من نذكره
مدري نقراله نشيد
ومدري وين العله تكمن؟
بينه؟ بالوالي الجديد؟
عدنه وادم من ربعنه
تحلم برجعة يزيد

(المرايه)
لو ردت أعرف أخبارك
لو ردت أسأل عليك
تدري أسألني عليه؟
ولو ردت بالعين اشوفك
اوگف گبال المرايه
وأشبع من الشوف بيه
لكن آنه من ابوسك
بارده اخدود المرايه
وما أشبگك بين إديه
*** ***
من قصيدة:
(المرثيه) بحق الوالد
رب البيت چان وحافظ البيت
ربنه الثاني يعني بهاي دنيانه
لأن ناره سلام وبرد بالكيظ
ولأن فردوس نلگه ابين ذرعانه
ومن گد رحمته وگد رأفة البيه
گبل لا نعتذر يغفر خطايانه
*** ***
(سبابه)
سبابه إسمها التظغط إزناذ
والتلزم قلم تتسمه سبابه
بس فرق الأرض عن السماوات
ما بين الرمي ومابين الكتابه
مو كل سيف يلمع ياخذ الحيف
ولا كل سيف ينسل يگضي الطلابه
والسيف الصدگ شفناها بالعين
ماخذ حيف ربعه وهوه بگرابه
*** ***
من قصيدة:
(جرح)
نعم شفتوا جرح عورله سچين
إنذبخ سيف الطغاة بمنحر حسين
انبنت گبه لسبيه إبلدة الشام
وصارت مزبله گبور السلاطين
انگلب دم الحسين الحرگه ودموع
وتفاعل ونفجر ثورات بعدين

please wait

No media source currently available

0:00 0:15:00 0:00
رابط مباشر
XS
SM
MD
LG