روابط للدخول

خبر عاجل

أحمد الذهبي وقصيدته: يبو شفايف عنب وسط البساتين...وغير شفايفي ماراد سله


احمد الذهبي
احمد الذهبي
يبو شفايف عنب وسط البساتين
وغير شفايفي ماراد سله
مثل شارع الروضه وحلةاطفال
شعرك على متونك من تحله
عينك حمورابي ورمشك اشور
أذن عينك مسله بنص مسله
ويل طولك سواتر بالهجومات
وعلى زنودك تشيل الجيش كله
مثل لحظة عفو وركضة مساجين
هيج زرار جيدك من تفله
دفل زرار جيدك خل نشامه
وحارس على خدودك خلني شامه
حرب وك عالسواتر خل نشامه
دوه عيون المراصد مدفعيه
ويل عينك مضيف وللعتب مفروش
ورموشك خواچي شيوخ المحوله
اذا مديت ايدك جن حضيره جنود
وبساعة صفر شنت علي صوله
وطولك لو وكف والشعر شاله الريح
جن رفعة علم من تنتصر دوله
واريد احجيها لك بس الك مو للناس
وسر بيناتنه خليها الحجايه
تعرف ليش احبك راح اكلك ليش
جيه طولك مناره بنص الولايه
وشفتك عالنهر دنكت تشرب ماي
جن شفت النهر دنك شرب مايه
على خدود المرايه تمشط الحلوات
وعلى خدودك شعرها تمشطه المرايه

please wait

No media source currently available

0:00 0:15:00 0:00
رابط مباشر
XS
SM
MD
LG