روابط للدخول

خبر عاجل

"ما موجود" لناجح الجبوري


ناجح الجبوري
ناجح الجبوري
من طبيت محفل وانته ماموجود
ولأن بيه انته عايش ماشفت غيرك
دخيلك لاتكسرة جامه عدكم
دليلي ولا تجتفه جامعتكم
صدك ظلمة بغيابي جامعتكم
وصدك شعلت شمع بوداعي اليه
اشتاكيتلك
يالخذت روحي ورسمت احلامي بيك
يالشلت عمري على متونك نوارس
وانته ماي
وجنت اظنك...رغم كل خطوة مسافة تزيد عني
وانته رايح...وانه اكولن انته جاي
وانته رايح
وانه وشعندي بغيابك غير اسامح
ياخيالي... صفتني...وحلمي الزغير
ياحلم طفلة ارسمت عالكاع فارس
يمتطيله حصان ابيض...كاصد بلهفة القلاع البيهة مسجونة الاميرة
القلاع...الكلهه محروسه بتنانين وذئاب
السجن حراسه وحوش...والامير المايخاف
حرر بشوك الاميرة
وفرحت الطفلة بحلمهه وتيهت فصل الامير.... وبات مجهول المصير
يا اميرة حلمي مجروح الامير يا اميرة حلمي مخنوك الامير
ويادمعته ...وياحسرته ويادمعتي ... وياحسرتي
ياحسرتي .... حسرة المسجون لو راد الجكارة وجيبه خالي
ياخيالي وحسرتي ... ويازرع تعب الليالي الماحصدته
يادوة لجرحي الغميج ... المالكيته بيوم ردته
ياهو انته ... وشنهو انته ... وليش انته
ليش مو غيرك يذر بجروحي ملحه ...ويسهر يلولي عليهن
حته بلكي تنام سكتة
وليش انته الباعني بجلمة عتب جدام عاذل ماعرفته
وليش انته الما اجاني بوكت بي حنيتلك اشتاكيتلك واشتاكيتلك
شوك الوالدة الحجنت لبنهه ....وهيه ماتعرف مصيرة وهو نايم بالتراب
يا عذاب الشوك .... يا اجمل عذاب صدفة ودانه الجد مكتر السراب
وكمنه منه نضو كماي يالشلت عمري على متونك نوارس وانته ماي
اني وجهي الليل ... عشاكه السكون وانته ياباب الامل وجه الصبح
انته وردة وقلدوهه لكل حديقه ...وانه عالكاع انشمر جومة ملح
انته بشفافك خذت دور المسيح
وتحي موته ابوستك
وانه بشفافي خذت دور الصليب
حته كل ما احجي كلمه الناس كلهه دكلي عيب
عيب وحرام .... لا تكفر ماكو بالدنيه غرام
لا اكفر بيك يالمالك حبيب .الله يسمحلي اكفر هو هم حبله نبي
الله يشتاك لعباده .... وخله بينه الشوك عادة وهسة
هسه من بعد القصيدة ... ويه حلم الطفلة وجروح الامير
وي مسيحك والصليب ... ويه كفار الحبيب
ويه وشعندي قصايد من كطبل وديتلك... اشتاكيتلك

please wait

No media source currently available

0:00 0:14:16 0:00
رابط مباشر
XS
SM
MD
LG