روابط للدخول

ثلاثة شعراء ينشدون للعيد الجميل


الشاعر عريان السيد خلف

الشاعر عريان السيد خلف

للشعر في العيد نكهة خاصة، وعطر خاص. في "مواويل وشعر" هذا الاسبوع نعيش مع مناخات الحب، والوجد، والشوق، والحنين في ثلاث قصائد جميلة. نبدؤهاً بقصيدة (جية العيد) للشاعر عريان السيد خلف.


جيــة العيــد
عريان السيد خلف

يناهي الشوك ذمٌـه وذات من ذات
وفرق مابين حالي وحالك إبعيد
سنه وصدٌك يِضَـوك الروح لوعات
ويجَملٌي الجروح جروح ويزيد
أبات إبحضن صبري إليالي ويباتْ
جرح يصحه وجرح متغصٌب إيزيد
وأكًًول إشوالف السرحان للشاة
إعله سـجٌه وكًاوداه الإيـيد بالإييد
إلك جـانت يحلو الطول جيات
عجب تبخل علينه إبجيٌـة العيد
تنينه وأملينه إجفونـٌه إبطيفْ
وصبرنه وصبـٌرينه الآه بالآه
وتحسفنه الحسافه وحيف عالحيف
على سواجي الدموع المالهن جاه
إشيصير إعله الترف لو ينحسب ضيف
إعله غفله وعيد وصل الزين محلاه
أنه بعازة الموت وحاجبك سيف
وأموت إبغير صدَّة غيض ما أريد
إلك چانت يحلو الطول جيات
عجب تبخل علينه بجية العيد

*** *** *** ***

وبعد قصيدة (جية العيد) يدخل خيمة الفرح، والعيد الشاعر فلاح الحساني بقصيدة (عيدك مبارك):

عيدك مبارك
فلاح الحساني

ألف عيدك مبارك ياحبيب الروح
اكولنهه الك ياريت يوميه"
احساسي مامقبط بي نفر مشتاك
مرجع جبت روحي وشوكي عبريه"
ومفصلك جديد احساسي ماملبوس،
ومستنكي لعيونك احلى عيديه"
على كليجة عقيل شويه حب حطيت،
وعلى جايك درت خاشوكه حنيه"
وعلى نار اشتياكي خدرتلك جاي،
مهيله بحسرتي ولجماتك البيه"
تعاااااااااااااااااااااااااااااااااال
ارسم بخدي الموناليزا اخدود،
وطش فوك الخدود اشفاف ورديه"
ولك من عهد آدم لازم آنه الباب،
وخدرانات من الوكفه رجليه

*** *** *** ***

وبعد هذه القصيدة العذبة يأتي الشاعر الشاب أحمد السعد بقصيدة (ألف مبروك):

ألـف مبـروك
أحمــد السعـد

تانيتك يتيم يحاجي فرحة عيد
واعرفك مو الي وما راح تسمعني

واجيتك حالي حال الفقرة عالبيبان
الفقير بخبزة وانا بكلمة تقنعني

عشت بعدك غريب واهلي ملتمين
عليه.ومااكلهم دمعي يفضخني

يلبطبعك ترافه وقسوة عد منشار
يكص سنين مني ويرد يجمعني

انطيني عقل مافكر بطاريك
وارسملي حضن بلفركة ينفعني

ودورلي درب مابي مشت رجليك
بشرط ماحس دمع تمساح يخدعني

انة كاسك شربتة وانت طعمك ليل
ومكاسر سهر ولحزني رجعني

اتمايل امن امشي وانة مو سكران
جنت ادفع ذكرياتك وهية تدفعني

اجر حسرة ندم والشامت يهنيك
والف مبروك كلك حتة يذبحني

عزيزة ادموعي جانت حتى عل ميتين
بكثر ما يوم عرسك والله دمعني


XS
SM
MD
LG