روابط للدخول

غني محسن البهادلي يكتب قصيدته الأخيرة بالدم


الشاعر غني محسن البهادلي

الشاعر غني محسن البهادلي

غني محسن شاعر موهوب، بل مكتنز بالموهبة حد الدهشة. انه شاعر مغاير، ويختلف في شاعريته، عن جميع أبناء جيله بشكل مطلق. صحيح أن إسمه غني، لكنه عاش فقيراً محروماً حد العوز والفاقة.

كتب غني محسن قصيدته الأخيرة بدمه الطاهر في جامع الخلاني يوم التاسع عشر من حزيران 2007 عندما خر صريعا فبكاه الشعراء ومحبوه وكل الذين عرفوه.
ولد شاعرنا في محافظة ميسان عام 1962 وانتقل في ما بعد مع عائلته إلى عاصمة الثقافة بغداد ليستقر فيها .

بدأ الشهيد غني محسن مشواره الشعري أواخر سبعينيات القرن العشرين، إلاّ أن اندفاعه اتضح في اواسط الثمانينيات، وعندما إنضم الى منتدى الشعراء الشباب في مدينة الثورة ببغداد أثار انتباه معظم الشعراء بقصيدة رائعة كان مطلعها :

انتهى بلحظة الأمل والشوگ والهمسه
مثل جنح الفراشة الينتهـــي بلمسه

امتاز الشاعرغني محسن بسلوكه المستقيم، والمهذب وبخلقه الرفيع، وأدبه الجم، وبقدرته الفائقة على كتابة النص الغنائي، حتى أن الكثيرين من المطربين الشباب نجحوا بفضل نصوصه الغنائية الجميلة.
**** **** ****

نماذج من شعره :

ما عندي حمل يتطشر بريح


أچودر وين ما ذبتني دنياي
يم الناس اضحك ضحك خالين
بس وحدي من أدمع أنگلب ناي
تعبني العمر گد مانه تعبته
وعطش للنوم جفني أتفطرت شفته
واتعبك يا گلب عالمامش أعمي العين
والمامش ولك يا جدم واصلته
گلي شحصلت من صاحبيت الغيم
مدري بيا جزيرة العمر ضيعته

*****

انتهى بلحظة العشگ والشوگ والهمسه
مثل جنح الفراشة الينتهي بلمسه
مو ذاك انت الاول تفرح لفرحي
اجيتك ..عود اداوي بشوفتك جرحي
بس كل ما اسمعتلك : تكبر وتنسه

*****

يمر بي الندم واحتار انا بأمري
اشوفن ذكرياتك تلعب بعمري
اصد لك ودي احاول اكشف اسرارك
احير وتشتكي لك روحي من نارك
حسبالي تهــزك..دمعتي الخرسه

*****

من باقي العمر ظل اقترب ساعة
عن اللوم طيح دمعي وداعه
صعبة من الليالي تعوفني لوحدي
جاوبني بعد ماظل صبر عندي
چنت وياي صافي شبدلك هسه

*****

انتهى بلحظة العشگ والشوگ والهمسه
مثل جنح الفراشة الينتهي بلمسه
مو ذاك انت الاول تفرح لفرحي
اجيتك عود اداوي بشوفتك جرحي
بس كل ما اسمعتلك تكبر وتنسه

**** **** ****


حســــرة

حسره وبالگلب كل يوم تتكسر
الدمع رايدله حيل...وآنه ما أگدر
كون من ابچي...أذب دمعه اعله طولي گدار
مو دمعة مزن بالريح تتبخر
يسفان الونين...التسري بين اعضاي
مرساك الگلب...وبدمي دگ انگــر
مَــدَام الدنيه ضاگت وين ادير العين
لاجدحة امل...لاليلهه اتغير
ومن طالت الحيره...استاهدت عرّاف
أذب حمل القضيه اعليه وتكتر
طلب مني احدد حلم لوكابوس
ثاري الفرق...كلشي بثمن يتفسر
اذا تحلم...سهل
ميضر هذي الغافين
لم كل امنياتك...واگعد اتحسر
المهم لاتقره اعوذ...تزعل الكابوس
تره الزيجه ورق...عالنار يتجرر
وخلف الله اعله جلدك...ستر عيب الثوب
وصبرك من شمع...من يحترگ يزغر


XS
SM
MD
LG