روابط للدخول

في اربعينية الشاعر كاظم اسماعيل گاطع: أريد اغفه اعله گبرك مشتهي النوم


الشاعر اسماعيل گاطع

الشاعر اسماعيل گاطع

في اربعينية الشاعر كاظم اسماعيل كاطع: أريد اغفه اعله گبرك مشتهي النوم

أريد اغفه اعله گبرك مشتهي النوم
لجواد القابـﭼـي


أريد اغفه اعله گبرك مشتهي النوم
ليالي اهوايَ مرَّت وانه سهران
إلبچی مافادني او لا أثَّر اللوم
اوما وچِّد صرت بهمومي سكران
چنت
حسبالي اشوفك ولوْ لحظات
اوما أدري إلِفراگ اسهامه خطره
ولا أدري الزمن وشبيه غدرات
على ساعه اوتشوف اشكُبر غدره
إله بفراگنه هالزمن عملات
حَسَد ْلمَّتنه وَصْدَر ظُلُمْ أمره
او ذبنه اعللمنافي او طُعُم للحوم
اوعطاشه اچبودنه الجلساتْ خلّان
غريبين اومنعرف..ساعه لو دوم
تعيش اعللأمل تتلاگه الاخوان
رحت ..ماگتلي رايح چان ويّاك
ليش اتعوفني للهم والآلام
هاي امروِّتك يالگتلی عيناك
جفيت او بعدك العينين متنام
حِرت ورجيت بحلم ألگاك
وذا نومي فگدته امنين الأحلام
بگیت
اويالهموم امعارك او گوم
بس الضيم اجاني اركاض لهفان
بعد شصنع شسوِّي بعدك اليوم
اوصارت
هیچ دنيانه ام الأحزان



XS
SM
MD
LG