روابط للدخول

"مواويل وشعر"هذا الاسبوع مخصصة للشاعر رحيم المالكي، الذي تنبعث عطور التضحية والإيثار من كل بيت من قصائده.

تانيتك عمر

تانيتك عمر يمك ردت ارتاح
لـﮔيتك واحه ميته ترابتك تذري
تانيتك تجبره لخاطري المكسور
جبرته بدمع بس ماجبر كسري
ليش تغيظني وأحـﭽـي الحـﭽـي المضموم
وتـﮔول الناس عني مسودن يهذري
اذا تدري بعذابي وتدري اللي صار
لا تسأل عليه شباقي من صبري
خلصت العمر مابين ﭽويه وآه
ومـﮕالب بروحي وناركم حدري
ستوني الحزن مو كافي طفي النار
تبخر ماي صبري ونزرف جدري
يالرايد حـﭽينه يظل جزر للدوم
وانت المد يفيدك ينمحي المقري
لان انت جرف وانه عليك الماي
اطلع عيوب جرفك لو كثر جزري
حاصرني الوكت وجروحي مسمومات
لا انت رحمتني ولا رحم دهري
تحزم جرح بيه وراد ياخذ ثار
التفت شاف الخناجر تطعن بظهري


XS
SM
MD
LG