روابط للدخول

غني البهادلي: انتهى بلحظه العشـﮒ والشوﮒ والهمسه....مثل جنح الفراشة الينتهي بلمسه


Iraq,Baghdad,Iraqi poet Ghani Nohsen Al-Bahdli

Iraq,Baghdad,Iraqi poet Ghani Nohsen Al-Bahdli

مواويل و شعر هذا الاسبوع مخصصة للشاعر الشهيد غني محسن البهادلي. ولد شاعرنا في ميسان عام 1962 وانتقل فيما بعد مع عائلته إلى بغداد عاصمة الثقافة ليستقر فيها.

بدأ الشهيد غني محسن مشواره الشعري أواخر سبعينيات القرن العشرين إلا أن اندفاعه اتضح في منتصف الثمانينيات، عندما إنضم الى منتدى الشعراء الشباب في بغداد.

إمتاز الشاعر الشهيد غني محسن بزهده وكبريائه وأخلاقه العالية وأدبه الجم.
عاش حياة متواضعه جدا وكان الفقر والحرمان من أصدقائه.

نموذج من شعره:


انتهى بلحظه العشـﮒ والشوﮒ والهمسه
مثل جنح الفراشة الينتهي بلمسه
مو ذاك انت الاول تفرح لفرحي
اجيتك..عود اداوي بشوفتك جرحي
بس كل ما اسمعتلك تكبر وتنسى

*** *** ***

يمر بي الندم واحتار انا بأمري
اشوفن ذكرياتك تلعب بعمري
اصد لك ودي احاول اكشف اسرارك
احير وتشتكي لك روحي من نارك
حسبالي تهزك..دمعتي الخرسه

*** *** ***

من باﮔـي العمر ضل اقترب ساعة
عن اللوم طيح دمعي وداعه
صعبة من الليالي تعوفني لوحدي
جاوبني بعد ماضل صبر عندي
كنت وياي صافي شبدلك هسه

*** *** ***

انتهى بلحظه العشـﮒ والشوﮒ والهمسه
مثل جنح الفراشة الينتهي بلمسه
مو ذاك انت الاول تفرح لفرحي
اجيتك ..عود اداوي بشوفتك جرحي
بس كل ما اسمعتلك تكبر وتنسى


للاستماع يرجى فتح الرابط ادناه

XS
SM
MD
LG