روابط للدخول

يقولون: خير الشعر أكذبه.. والشعراء العراقيون يقولون: خير الشعر أعذبه، أو أوجعه.. ولعل أحلى ما في الشعر العراقي (بفصيحه، وعاميتهِ) هذه العذوبة المفرطة.. وهذا الوجع الآسر.. إذ ليس في العراق شخص لا يخزن في صدره (أنَّة من الخسارة) والفقدان، والأسى الطويل.

أنة من ضياع حبيب، او ضياع أمل.. لذلك نجد في العراق حزناً عميقاً بعمق التأريخ، ونجد بين العراقيين عشرات الآلآف من الشعراء الموجوعين، وهو عدد لا نجد مثله في كل الأمم، والشعوب الأخرى.. فثمة قصائد، وأبوذيات، ومواويل، وأغنيات عراقية تفطر القلب.. تعالوا معنا لهذه القصيدة الجميلة: آنه أدري بصحبتك تالي تطلع نار، لنر عمق الأسى والحزن فيها:

شتسولف بعد وَّي خاطري المكسور!
..جام أتكسر بياسالفهإتجبرَّه؟؟؟

صفره إچفوف أديَّك وحچيَّك المسمّوم
لون أصفر طلع.. والريح اجت صفره
آنه أدري بصحبتك تالي تطلع نار
حرَّگت كلشيحرگت.. صُحبةالگشره
عسَّاهه ابخت گلبي الماعرَف يختار
و العرَّفني بيك بحظه وبعُمرَه
تذكر من گلتلك لاتلح عالبير؟؟
هسَّه شلون تشرب.. طلعت الصخره؟!
وگتلك لاتذب جرَّتك ماظل ماي
(موكل مرَّة ترجع سالمه الجرَّه)
گطرة ماي روحي.. ومرهَّه چفك گيض
طشرَّهه وبچت.. وأختنگت الگطره
بعد شتريد مني.. بيادفو أتلگاك
اگلك ثلج بعدك صارت الجمرَّه
هسه تريد ترجع من بعد ماراح...
عمري وشَّد متاعه.. وتيهِّت عُمره
هيچ انه غشيم وانغلب مرتيَّن
أحبك من جديد، وترجع الكرَّه
لاتتعب بعد.. راحت الشاره البيِّك
من سديَّت بابك سدَّوا الحضره
وآنه ألمن بعد فاتح ضريح الشوگ؟
شباچ الگلب مايحمل العصرَّه
بعيوني گبل جانت الدنيه إنجوم
هسَّه أطشرَّن واتبدَّت الگمره
عساهه بذمتك راح احرگ البستان
خلهه تموت جوع جروحك الفقره
إله الموت شفتك بس گلت بيه روح
شوف شگد جبتهه وياك عالفطره
وهسه تريد روحي.. ولازم اكفر بيك
مادامك صنم ماتنحسِّب كُفره
مادامك صنم ماتنحسِّب كُفره

ولسماع المزيد من القصائد، والزهيريات، والأبوذيات، يمكن الرجوع للملف الصوتي.
XS
SM
MD
LG