روابط للدخول

ضرغام العراقي تلميذ نجيب في مدرسة الشعر


الشاعر الشاب ضرغام العراقي

الشاعر الشاب ضرغام العراقي

ضرغام العراقي، شاعر شاب، دخل مدرسة الشعر منذ أول فتوته، فتقدم الصفوف بنجاح، وقدم برنامج [مواويل وشعر] اشعاره في أكثر من حلقة، وأطلع الجمهورعلى تقدمه مرات عديدة. وها هو ضرغام العراقي، وجيله الإبداعي الذي ولدت شاعريته بعد سقوط النظام الدكتاتوري.

يقف اليوم بقوة بين الأجيال الشعرية الأخرى مشاركاً في الأمسيات الشعرية، ومبارياً كبار الشعراء العراقيين في المهرجانات، والمسابقات الأدبية.

وإليكم قصيدة [أبو محتاج] وهي أحدث ما كتب ضرغام:

محتاج مثلك (علي) مااريدن اهل الفيل
ومحتاج تمطر علم مو تمطر ابسجيل
ومن فكرت يا شعب
مستقبلك بي تعب
عقلي وگلبي لعب
حرب ودمار وقتل وشلون يطلع جيل؟!

***

محتاج واهس طفل وتگول طفل الصين
لو حل من المدرسه مايركض اعله الطين!
ومن زغره واعي وفكر واخلاق عنده ودين
ولو جاع يقره اكتاب
لو يسمع الزرياب
ويسأل منو السياب لامو منو استالين

***

محتاج طيبة گلب مزروعه بين الناس
وياريت كل البشر مافاقد الاحساس
واتمنه اشوف الورد ينشم ولا ينداس
وترد سوالف امس
حب ومحنه وهمس
وتطلع علينه الشمس وچف الصدگ ينباس

***

محتاج صاحب اخوا بس كون الي محتاج
مااريده كلّش نبي ولااريده هم حجاج
ولوصار مرّه ملك
افرح يصير الملك
لكن يهم بالشعب لامو يهم بالتاج

***

ثاريني عايش حلم ومن واقعي منهزم
وضحكوا علي للعلم وطلقوا عليه اسم
سموّني أبو محتاج .. من كثر ما محتاج

** *** **

وفي حلقة هذا الاسبوع من [مواويل وشعر] عدد غير قليل من الأبوذيات العراقية القديمة منها:

حبيبي بنار الهجر يامهجة دموعاي
على إمصابي السمه تمطر دموعاي
إشما هلَّن (يدندوشة) دموعاي
حسناتچ تبدل ألف سيَّة

سريتوا بالضعن ياترف ها وين؟
جفيتوني ولعند الغير هاوين
ها ميِّت يحلو الطول ها وين
حياتي والنظر تقبل عليَّه

روحي والهوى ودنياي وعداي
علَّي وشلون أشيل الجد وعداي
صابر وأنتظر وتشوف وعداي
بفرح لو دوم وكتي محيط بيَّه

** *** **

قصيدة إسكت
في هذه القصيدة الجميلة يبث الشاعرعبد الرحيم الحچامي كل همومه وإشواقه، وعذاباته، إذ يقول:

إسكت لاتغشني ابحچيك المعسّول
محّال انوب
ارجع وانچوي ابنارك
وبسَّك تعبتني
إبحبك المزعوم
وشما تعتذر
ما أقبل اعذارك
ما أرجع بعد وأطحن صبر بالليل
واعميها العيون التنظر الدارك
ما أگلك شطبتك من سجل الشوكَ
حرگت السجل كله
وضاع تذكارك
نسيتك
كلش ولا أرجع لذكراك
ولا يجرفني بعد اليوم تيَّارك
هوَّ الجار هاي أفعاله ويَّه الجار
والله ايگول
خلك سمح وي جارك
حتى البيت أبيعه
وراح أشيل ابعيد
واحط روحي ابنزِل
ما توصله اخبارك

للمزيد يرجى الاستماع الى الملف الصوتي.
XS
SM
MD
LG