روابط للدخول

متى كتب مظفر النواب قصيدة زرازير البراري ... ومتى قدمت للاذاعة؟


حلقة هذا الاسبوع من مواويل وشعر تتضمن باقة جديدة من القصائد الشعرية الشعبية، وعدداً من المواويل والإبوذيات والأغاني. كما نجيب خلالها على رسالة المستمع محمد عبد عيسى من ناحية كميت ـ محافظة ميسان ـ التي يسأل فيها عن تأريخ كتابة قصيدة [زرازير البراري] للشاعر الكبير مظفر النواب، ومتى قدمها المطرب ياس خضر عبر إلاذاعة العراقية؟

جوابنا على هذا السؤال هو ان الشاعر الكبير مظفر النواب كتب هذه القصيدة عام 1960 ونشرها في ديوانه المعروف (للريل وحمد)، أما المطرب ياس خضر فقدمها في نهاية السبعينيات من الإذاعة العراقية، بعد أن صاغ ألحانها الملحن القدير طالب القره غلي.
واليوم يقدم برنامج مواويل وشعر قصيدة زرازير البراري كاملة، تلبية لطلب المستمع محمد عبد عيسى، كما نهديها لكل مستمعي اذاعة العراق الحر الكرام:

حن وآنه أحن .. وإنحَبس ونَّه ونمتِحِن
مرخوص بس كت الدمع .. شرط الدمع حدَّ الجفن
جفنك جنح فراشة غَض .. وحجارة جفني وماغُمَض
يل تمشي بيَّه ويَّه النبض .. روحي إعله روحك تنسحِن
حن ,, بويه حِن
حن عمي حن
** ** **
عيونك زرازير البراري
بكل نشاط إجناحها .. بعالي السحر
والروح مني عوسجة بر
ما وصل ليها الندى ..و لا جاسها بگطرة المطر
** ** **
وصفولي عنك بالنباعي تفيض
و تعنيت ليلة ويَّه القمر
وصفولي عنك .. كل مسامة تفيض منك عطر.. يالحسنك نهر
تنزل بصدري ويَّه النفس.. و بدمي غصباً تنعجن
و أشهگ، و اصعدَّك للسِّما.. بحسرات، و بعَّنة حزن
حن.. حن بويَّه حن..
** ** **
شفافك، ولا گولن ورد
عنَّابه معگودة عگد
تمتلي بگد ما تنمِّرد
لا هي دفو .. ولا هي بَرِد
آنه بوصفها راح أجِن
حن بويَّه حن
** ** **
سكتاتك تشكل خواطر بالگلب
مالي عرف بيهن گبل
مبرُوم برُم الريزة ياريَّان
و مخوصر خصر لف العگل
كل چلمة منك
نبعة الريحَّان بالدَّلال ما تحمِّل ثگل
وصفولي عنك
شال منك غيظ بستان الورد
والنرجس الرايج سكر
حن وطواريز ولحن
وحنَّت حمامات السجن
حنَّة إليَّ
و حنَّة إلك
واللي يعجبه خلي يحِّن
حِّن بويَّه حِّن
** ** **
آنه من أشوفك
يمتلي الماضي الجدِب
زهرات بيض من الوفه
وروحي سواجي من الحنين تصير
وأتنبه وكت بيهن غفه
يا محجَّل إن مريت بيَّه ردود
أرد أردود للعشرين ....
من عمر الجفه
وأنصِف عمر منك
نصفته بالهجر ...
والهجر منك ما كفه
حتى الهجر يا روحي منك ما كفه
وگلبي أعله هجرك هَم يحِّن
حِّن
وآنه حِّن
وأنحبس ونَّه ونمتحن ...
مجبور أرخصك ع الدمع
شرط الدمع يچِّوي الجفن
مجبور أرخصك ع الدمع
شرط الدمع يچوي الجفن



دارمي ودارمي:

حگي من أحامي إعليچ ياشجرة التين
ماي الربيتي إعليه من دمعة العين
** ** **
أرد أمشي للعباس شباچه أهزَّه
ليش أصبحت مكروه عگب المعزَّه
وفي الحلقة أبيات دارمية أخرى .. تستطيع سماعها.
أغنية وحيدة خليل (أمس واليوم)، بصوت الفنان حسين البصري.

أبوذية وأبوذية

بطيت شعطَّلك بالوعد ماييت
عليك دموع عيني إتسيل ماية
إجروح البگلبي عدد ماية
عليك ولاتگول إشصار بيَّه

وهناك أبيات ابوذية أخرى
أغنية [شارب ماي عمارة] للمطربة منى العبد الله

XS
SM
MD
LG